Arbëri

Presidenti Thaçi do të denoncohet në Gjykatën Kushtetuese

Presidenti Thaçi do të denoncohet në Gjykatën Kushtetuese

Presidenti Hashim Thaçi do të denoncohet në Gjykatën Kushtetuese, menjëherë pasi t’i emërojë anëtarët e rinj në Komisionin Qendror të Zgjedhjeve (KQZ). Kjo për shkak të përcaktimit të kreut të shtetit për t’i privuar subjektet kryesore opozitare nga hisja e përfaqësimit në KQZ, të cilën ua garantojnë Kushtetuta dhe ligjet në fuqi.

Muajin e shkuar Thaçi ka kërkuar nga gjashtë grupet parlamentare të krijuara nga tri subjektet që kishin marrë pjesë në zgjedhje që të nominojnë nga një anëtar. Këtë janë duke e refuzuar dy partitë kryesore opozitare, LDK dhe LVV. Prandaj, ndryshe nga kërkesa e presidentit, ato kanë dërguar nga dy nominime për emërim, shkruan sot “Koha Ditore”.