Çfarë tha Haradinaj për Mogherinin, Specialen dhe masat ndaj Serbisë

Kushtrim Kadriu 11 dhjetor 2018 19:05

Kryeministri Ramush Haradinaj ka thënë se nuk është bërë nami se disa nga ish-bashkëluftëtarët e tij janë ftuar në Hagë nga Gjykata Speciale. Kryeministri e ka quajtur të papranueshme deklaratën e Përfaqësueses së Lartë të BE-së, Federica Mogherini, e cila nuk e ka përjashtuar idenë për korrigjim të kufijve me Serbinë.

Kryeministri Ramush Haradinaj u është kundërpërgjigjur ashpër deklaratave të përfaqësueses së lartë të BE-së, Feredica Mogherini, e cila nuk e ka përjashtuar idenë për korrigjim të kufijve me Serbinë, raporton KTV.

Haradinaj ka thënë se Mogherini e ka mbytur këtë proces me Serbinë, duke e kthyer nga dialog për normalizim, në atë për ndryshim të kufijve.

Haradinaj ka paralajmëruar masa shtesë ndaj Serbisë, nëse ky shtet vazhdon të lobojë kundër Kosovës.

Ai ka thënë se janë disa masa të tilla, përfshirë ajo e ndalimit të hyrjes së veturave në Kosovë me targa të Serbisë.

Kryeministri është deklaruar edhe sa i përket ftesave për intervistim që u janë bërë nga Gjykata Speciale, ish-bashkëluftëtarëve të tij të UÇK-së.

Haradinaj i ka quajtur dorëheqjet e katër kryetarëve të komunave në veri të vendit, antikushtetuese, pasi Republikës së Kosovës i janë referuar si Kosovë dhe Metohi.

© KOHA. Të gjitha të drejtat janë të rezervuara.

Komentet

Shto koment

Të ngjashme