Arbëri

Maqedoninë e Kosovën i afron edhe aspirata eurointegruese

Maqedoninë e Kosovën i afron edhe aspirata eurointegruese

Kryetari i Kuvendit të Republikës së Maqedonisë, Talat Xhaferi, ka pritur në takim ambasadorin e sapoemëruar të Republikës së Kosovës në Republikën e Maqedonisë, Gjergj Dedaj. Xhaferi i ka uruar mirëseardhje dhe mandat të suksesshëm në Republikën e Maqedonisë ambasadorit të sapoemëruar Dedaj dhe ka shprehur besim se edhe prej tani e tutje do të vazhdohet me bashkëpunimin e shkëlqyer të vendosur ndërmjet dy vendeve që janë edhe fqinj të drejtpërdrejtë.

Xhaferi ka theksuar se bashkëpunimi duhet të shkojë në drejtim të lehtësimit të lëvizjes së njerëzve dhe qarkullimit të mallrave, duke potencuar se duhet të inkurajohet bashkëpunimi me qëllim të realizimit sa më të shpejtë të projekteve të filluara dhe mbledhjes së pritur të përbashkët të dyja qeverive të dy shteteve.