NK5 Immobilien AG
Prejardhja, rrugëtimi, prej kur jeni në perëndim.
Krist Nikolla me prejardhje nga komuna e Gjakovës. Në Zvicër jam prej vitit 1993. Pasi mbarova shkollën në Gjakovë edhe unë si të gjithë tjerët, kisha një ëndërr, një vizion për ta realizuar ëndrrën time. Rrugëtimi im ashtu vazhdoi nga Kosova në Kroaci e pastaj në Zvicër.
Prezantoni biznesin tuaj.
Siç e ceka ne ishim në Kroaci por kur filloi lufta atje filluam të tërhiqemi drejt Zvicrës dhe unë fillova të merrem me ndërtimtari ku pashë një profesion që më pëlqente - të bëja renovime të objekteve sepse aty pashë që unë do ta realizoj ëndrrën time, e ajo ishte investime në patundshmëria siç quhet ne gjuhën zvicerane Immobilien. Me kalimin e kohës ndërtimtaria apo firma ime e asaj kohe filloi të ketë një rentabilitet të mirë ashtu që gradualisht filluan të kyçen edhe disa nga familjarët dhe disa zhvillohen në fushën e gastronomisë, hotelerisë dhe asaj ushqimore.
Pas disa kohësh dhe me angazhimin e tërë familjes deri në maksimum, pa kursyer të shumtën e rasteve as ditët e pushimit, arritëm të konsolidojmë një numër të mire të ndërtesave, kështu që në vitin 2015 kishim mbi qindra banesa në shumë kantone të Zvicrës kurse tani secili nga ne i gëzon kompanitë e veta.
Por për mua familja mbetet gjithnjë e shenjtë dhe tërë kohën në harmoni dhe punët edhe tani i koordinojmë bashkërisht pa marrë parasysh se tani të gjithë jetojnë nëpër Vilat në Zvicër dhe ajo që me bën krenar ishte ndërtimi i objektit i cili sot e gëzon emrin e prindit ,,Villa Nue Nikolla“ e cila gjendet në Kosovë në Dol afër qytetit të Gjakovës dhe mbetet gjithmonë emblema e identiteti i Gjashtë Vëllezërve të pa ndërlikuar kurrë, ku gjithnjë në harmoni e paqe i gëzojmë të gjitha!
Gjithnjë them se për të arritur rezultate me punë vetjake mundësitë janë më të vogla por të funksionosh si grup p.sh. në këtë rast si ne familjarisht, mundësitë janë më të shpejta e më të mira.
Normalisht tani i falënderohem edhe bashkëshortes sime Agnezës e tani edhe dy fëmijëve të mi, Kristjanën dhe Domenikun, që tani janë duke mbaruar shkollat profesionale dhe paraprakisht janë të kyçur në NK5 Immobilien AG.
NK5 Immobilien AG duke pasur kontakte të shumta këtu në Zvicër me pronarë të ndryshëm e pashë të arsyeshme që të investoja në nautikë, pasi kërkesat ishin të mëdha, dhe mora vendim ta blija një anije jaht dhe ta vendosja në një vend ku kërkesa është shume e madhe për vizitorë dhe atë në portin e ri luksoz të ndërtuar në Rovinj të Istrës së Kroacisë, kështu që edhe këtyre biznesmenëve të firmave që i njoh, t`ju ofroja diçka që atyre u pëlqen kurse unë fillova ta zhvilloja edhe një biznes pak a shume fitimprurës dhe së fundi që të përfitojë familja ime nga pushimet verore. Kështu tani klientët mund ta rezervojnë jahtin me ekuipazh ose pa dhe ta shfrytëzojnë atë.
Çka e dallon biznesin tuaj nga konkurrenca?
Ne jemi gjithnjë pranë qiramarrësve në shërbim 24 orësh, kërkesa është e madhe për qiramarrës dhe kapaciteti ynë gjithmonë është i mbushur.
Ndërtesat kanë pozitat të mira ku disa prej tyre i përdori edhe për marketing përmes Bilboardeve, apo antenave etj. Pra sikurse çdo biznes që ka strategjitë edhe ne kemi rregulloren e firmës dhe funksionon ashtu siç duhet e ndonjëherë edhe me telashe por ajo çka neve na bën të jemi shumë të shëndoshë në këtë biznes, në aspektin e mbulesës së hipotekave është ajo që ne kemi investuar shume në to ashtu që nuk frikësohem po qe se vjen deri te ndonjë ngritje e madhe e kamatave bankare.
Sa jeni të njohur në komunitetin shqiptar e te huaj me biznesin tuaj?
E theksoj që së pari ne si familje jemi të njohur nga komuniteti shqiptar pasi që gjithnjë ka qenë dera hapur tek ne për çfarëdo lloj aktiviteti apo ndihme që është kërkuar në bamirësi si ato individuale apo kombëtare.
Në komunitetin zviceran jemi po ashtu jemi të njohur sepse puna jonë ka kontakte me firma të ndryshme zvicerane të niveleve të ndryshme.
Keni interes për bashkëpunimi me bizneset tjera?
Ta them të drejtën përpara punët që kërkohen në mirëmbajtje të objekteve i kemi mbaruar vetëm me ndihmës, kurse tani duke filluar nga pastrimi e deri te ndërtimtaria përfundimtare, me përjashtim të disa punëve që jemi te obliguar t’i punojmë me firma zvicerane, punët për realizim ua japim firmave me pronarë shqiptarë, falë zotit dhe punës që po bëjnë kemi mjaft prej tyre, d.m.th ky është një bashkëpunim i mirëseardhur për të dy palët kurse bashkëpunimet apo idetë tjera me ne janë gjithnjë të mirëseardhura dhe jemi të hapur.
Pak hajgare, te ne në Gjakoovë thonë: "Sa ma i madh bohet thesi mor aq ma shume ke gajle more ti..."
© KOHA. Të gjitha të drejtat janë të rezervuara.
Dëshironi edhe Ju të jeni prezentë në ALBBIZ, që PROFILI JUAJ TË SHFAQET NË TË KATËR ANËT E BOTËS KU EKZISTOJNË SHQIPTARËT? Thjeshtë, shtyp butonin dhe plotëso formularin online
Formulari
