Pacolli thotë se Prishtina meriton të qeveriset nga gratë

Pacolli thotë se Prishtina meriton të qeveriset nga gratë

05 tetor 2017 23:33

Kandidati i Aleancës Kosova e Re, Selim Pacolli ka takuar sot 300 gra në një tubim në kryeqytet. Pacolli u shpreh se për të arriturat e vendit dhe të Prishtinës, meritat më të mëdha i takojnë grave të cilat kanë bërë sakrificën më të madhe në shoqërinë tonë, në periudha të ndryshme të historisë së shtetit të Kosovës.

Pacolli tha se e ardhmja dhe e kaluara karakterizohen nga ndryshimi që kanë bërë gratë, dhe se historia e ndryshimit ka filluar me ato. Për këtë qëllim, Pacolli tha se Prishtina meriton të qeveriset nga gratë, dhe se nuk duhet të pranojmë kufizimet që po u vihen atyre.

Përkrahjen e grave për kandidatin e Aleancës Kosova e Re e vlerësuan lartë edhe Ministrja e Ambientit dhe Planifikimit Hapësinor, Albena Reshitaj, e cila theksoi se Pacolli ka dhënë shumë për vendin dhe Prishtinën.

Pacolli u shpreh se te gratë ai sheh shtyllën përkrahëse të tij, dhe se gratë janë pjesë e rrugëtimit të tij për Prishtinë. Në këtë takim, më një fjalë rasti të pranishmet i përshëndeten edhe Myzejnë Selmani, ish deputete e Kuvendit të Kosovës, Ministrja Albena Reshitaj dhe deputeti i Kuvendit të Republikës së Kosovës Islam Pacolli.

© KOHA. Të gjitha të drejtat janë të rezervuara.

Komentet

Shto koment

Të ngjashme