Institucionet kulturore të Prishtinës nën llupën e Auditorit

Institucionet kulturore të Prishtinës nën llupën e Auditorit

17 gusht 2017 08:59

Dyshimet për keqmenaxhime të mundshme në institucionet kulturore që janë vartëse të Komunës së Prishtinës, do të hiqen së shpejti, pas përfundimit të një auditimi të brendshëm që ka filluar t’u bëhet këtyre institucioneve.

Këto dyshime i ka ngritur Auditori i Përgjithshëm, duke i precizuar edhe në Raportin e auditimit për Komunën e Prishtinës për vitin 2016, shkruan sot Koha Ditore.

Ndërkaq, zyrtarë të Komunës kanë thënë se edhe vetë kanë iniciuar auditimin e brendshëm në këto institucione, dhe ai ka nisur edhe para se të publikohej Raporti i Auditorit të jashtëm. E faktin se është duke ndodhur procesi i auditimit e konfirmojnë edhe drejtuesit e institucioneve kulturore.

Nën llupën e auditimit momentalisht janë institucionet kulturore, vartëse të Komunës së Prishtinës, si: biblioteka “Hivzi Sylejmani”, teatri “Dodona”, arkiva e qytetit si dhe Qendra Kulturore e fëmijëve.

(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme