Komuna e Prishtinës, sot fillon dezinsektimin e hapësirave publike.
“Kjo ditë është zgjedhur pas të gjitha përgatitjeve teknike dhe operative nga ana e Komunës së Prishtinës dhe kompanisë dhe pasi që parashikimet klimatike sigurojnë një javë me mot stabil dhe pa reshje, për arsye se reshjet gjatë procesit të dezinsektimit e bëjnë të paefektshëm aksionin”, thuhet në një njoftim për media.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSivjet do të dezinsektohet një sipërfaqe e përgjithshme prej mbi 6000 hektarë, përfshirë edhe zona rurale ku ka potencial të lartë të zhvillimit të këtyre insekteve. Edhe këtë vit do të përdoren preparatet e sigurta të regjistruara për përdorim në vendet e Bashkimit Evropian dhe në Shtetet e Bashkuara të Amerikës.
Dezinsektimi do të bëhet çdo ditë duke filluar nga ora 19:30 deri në orën 24:00, sipas këtyre datave nëpër lagjet e caktuara:
27.05 : Aktash, Lagjja e Muhaxherëve, Parku i Qytetit, Vellushë (Blloqet-Shtëpia e Pleqve), Qendra e Qytetit dhe Qyteza Pejton.
28.05: Arbëria, Tophane, Kodra e Trimave, Vreshtat dhe Kolovica.
29.05: Lakrishte, Dardani , Ulpianë, Prishtina e Re (Veternik) , Zona Industriale , Lagjja Nici dhe Kazerma Adem Jashari.
30.05: Bregu i Diellit, Lagjja e Spitalit dhe Kalabria .
31.05: Taslixhe, Velani , Mat , Sofali, Taukbahqe dhe Gërmi .
01.06: Hajvali, Mramor , Barilevë, Bërnicë, Besi, Bardhosh.