Me temën “Forca e Sigurisë së Kosovës dhe rregullimet ligjore”, Lëvizja Vetëvendosje ka organizuar tryezë diskutimi.
Kryetari i VV-së, Visar Ymeri ka theksuar se është e domosdoshme që Kosova ta ketë ushtrinë e saj, transmeton RTK.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoYmeri ka thënë se edhe para zgjedhjeve të vitit 2014 janë sjellë disa amendamente kushtetuese që mundësonin formimin e Forcave të Armatosura, duke theksuar se në atë kohë sipas tij diskursi nuk ka qenë në nivel institucional.
“Në atë kohë Qeveria e Kosovës u tërhoq vet nga ato amendamente kushtetuese… Edhe atëherë këto amendamente u sollën pak para zgjedhjeve”, ka thënë Ymeri.
Ymeri më tej ka theksuar se “duke pasur parasysh rrethanat në të cilat veprojmë, duket se do duhet ta ndjekim një procedurë të shpejt që FSK-në ta bëjmë ushtri”.
Ai gjithashtu ka theksuar se si Lëvizje Vetëvendosje janë skeptik ndaj mënyrës se si është sjellur në Kuvend, Projektligji për FSK-në.
“Kemi njëfarë skepticizëm të mënyrës se si është sjellë ky ligj e besa edhe ndaj personit që e ka sponsorizuar këtë ligj, Hashim Thaçit”, tha Ymeri.
Deputeti i VV-së, Rexhep Selimi ka theksuar se pavarësisht vërejtjeve serioze që kanë në strukturimin e këtij projektligji, Vetëvendosje mbështet ndryshimet kushtetuese.
Selimi ka theksuar se më tej se presidenti Thaçi ka bërë një gabim të madh duke mos u koordinuar me faktorët ndërkombëtarë për këtë.
“Ka ndodhur një gabim që nuk do të duhej të ndodhte moskoordinimi me faktorët ndërkombëtar Qeverinë e Kosovës, ministrinë e FSK-së, opozitën”, ka thënë Selimi.