Organizata për Rritjen e Cilësisë në Arsim (ORCA) ka marrë me shqetësim lajmin përmes medieve se profesori i rregullt Enver Hasani, është shpallur fajtor për afera korruptive gjatë kohës sa ka qenë Rektor në Universitetin e Prishtinës.
ORCA kërkon që UP menjëherë të fillojë procedurat për përjashtimin e tij nga institucioni publik pasi ka shkelur një sërë pikash të Kodit Etik të Universitetit të Prishtinës dhe rregulloreve të brendshme relevante.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ndaj të apostrofuarit për marrjen e masave, organet gjegjëse mund të thirren në nenin 5, nenin 6, nenin 13, nenin 14, nenin 15 dhe nenin 16 të Kodit të Etikës në Universitetin e Prishtinës. Më specifik rreth këtij rasti është neni 16, pika 2 e Kodit të Etikës në Universitetin e Prishtinës në të cilën shihet si shkelje etike ‘Kryerja e veprës penale, e cila ka çuar në dënim nga një gjykatë dhe e cila qartë e demonstron papërshtatshmërinë për të vazhduar si një anëtar i stafit akademik’”, thuhet në reagimin e ORCA-s.
“Edhe më saktë flet Rregullorja për Masat dhe Procedurat Disiplinore Ndaj Personelit Akademik të Universitetit të Prishtinës në nenin 6 të saj në pikat 1.11 ‘Dëmtimi i pronës së institucionit me paramendim’; 1.17 ‘Keqpërdorimi apo përdorimi i paautorizuar i fondeve të besuara publike për përfitime personale ose në interes të personave të tjerë’; 1.18 ‘Kryerja e aktiviteteve që bien ndesh me interesat e institucionit apo veprimet që e dëmtojnë institucionin’”, potencon ORCA.
ORCA pret që masat të jenë të shpejta, të sakta dhe të ashpra me qëllim të mbrojtjes së imazhit të Universitetit të Prishtinës.