Superylli i Manchester Unitedit që dëshiron kalimin te Real Madridi, JJ Gabriel, ka shfaqur ambicien e tij për të ardhmen.
Sulmuesi 16-vjeçar ka kërkuar largimin nga “djajtë e kuq” për te klubi i madh spanjoll dhe marrëveshja është afër finalizimit.
Ai aktualisht është duke punuar në Madrid me një trajner personal, dhe praktikisht e ka konfirmuar transferimin në një intervistë dhënë për mediumin spanjoll “Marca”.
Kalimi i tij në Spanjë pritet të finalizohet në janar.
“Ëndrra ime është ta fitoj ‘Topin e Artë’”, ka shpjeguar talenti i ri, që shënoi “hat-trick” për Unitedin në “UEFA Youth League”, vetëm pak ditë pasi kërkoi largimin nga klubi.
Gabrieli e ka thyer rekordin si futbollisti më i ri i Unitedit që luan për grupmoshën U18.
Si 14-vjeçar, ai madje kishte shënuar dy gola. Ka luajtur dhe ka shënuar gol edhe për U21 të Manchester Unitedit.