Ballkani ka kaluar sërish në epërsi prej një goli kundër Dritës në ndeshjen që po luhet në terrenin me bar sintetik në Gjilan.
Lumbardh Dellova në minutën e 85-të e shfrytëzoi më së miri harkimin e bukur të Armend Thaqit dhe shënoi me kokë për 2:1.
15:50
Rezultati 1:1 pas pjesës së parë në Gjilan
Drita e Ballkani po barazojnë 1:1 pas pjesës së parë të ndeshjes në Gjilan.
Ndeshja i takon xhiros së 33-të të elitës së futbollit kosovar. Kjo ndeshje vlerësohet vendimtare në garën për titull të kampionit. Meriton Korenica kaloi Ballkanin në epërsi 1:0 në minutën e 11-të.
Për 1:1 shënoi Muharrem Jashari në minutën e 43-të. Të dy golat u realizuan pas aksioneve të bukura.
15:45
Barazon Drita
Drita ka barazuar rezultatin në ndeshjen ndaj Ballkanit.
Për 1:1 shënoi Muharrem Jashari në minutën e 42-të. Asistues ishte Ilir Blakçori.
15:13
Ballkani në epërsi të hershme ndaj Dritës
Ballkani ka kaluar në epërsi që në minutën e 11-të në duelin në udhëtim te Drita.
Kampioni në fuqi shënoi në minutën e 11-të me Meriton Korenciën pas një aksioni shumë mirë të ndërtuar.
Korenica në fund mposhti portierin Florjan Smakiqi.
