Sport

Barazimi i tretë rresht në Bundesligë për Bayernin

Bayern Munichu ka regjistruar barazimin e tretë rresht në elitën e futbollit të Gjermanisë.

Kampioni në fuqi i Bundesligës dhe skuadra më e suksesshme gjermane, të shtunën në “Allianz Arena” barazoi 1:1 me Eintracht Frankfurtin, dhe kështu e rrezikon edhe më shumë titullin e kampionit sivjet.

Leroy Sane i kaloi vendësit në epërsi në minutën e 34-t, kur u asistua nga Thomas Mueller.

Shifrat i barazoi sulmuesi francez Randal Kolo Muani, në minutën e 69-të.

Futbollisti nga Kosova, Arijon Ibrahimoviq, ishte në bankën rezervë te Bayerni, ndërsa portieri Diant Ramaj, nuk u inkuadrua te Frankfurti.

Bayerni pas 18 xhirove të zhvilluara zë pozitën e parë me 37 pikë, vetëm një më shumë se Union Berlini.

Eintracht Frankfurti ka 32 pikë.