Mesfushori defensiv, Sofyan Amrabat, përfundimisht do të largohet nga Fiorentina në afatin kalimtar të janarit. “Calciomercato” ka raportuar të hënën se marokeni ka njoftuar klubin italian për vendimin e tij, pasi dëshiron që karrierën ta vazhdojë në Angli.
Mësohet se Amrabat, sipas të gjitha gjasave, do t’i bashkohet Liverpoolit, ekip me të cilin ka arritur marrëveshje personale.
26-vjeçari ka kontratë me Fiorentinan deri në vitin 2024, ndërsa Liverpooli tashmë ka ofruar 40 milionë euro për kartonin e tij.
Ambrabat ishte ndër më të dalluarit te Maroku që përfundoi i katërti në Kampionatin Botëror “Katari 2022”. Ai ishte i pazëvendësueshëm te Maroku, ku regjistroi shtatë paraqitje dhe ishte lojtari me më së shumti ndërhyrje të sakta. Ai është pjesë e Fiorentinës prej vitit 2020.
