Visar Shala e Laurit Krasniqi kanë shënuar nga një gol për fitoren e ekipit të dytë të Antwerpit ndaj Knokkes.
Ndeshja e së hënës përfundoi 2:1 dhe i takoi kategorisë së tretë belge. Pas golit të Shalës nga pika e bardhë, lojtarët e Antwerpit belg festuan duke formuar figurën e shqiponjës dykrenare. Krasniqi, Shala dhe Edon Murataj startuan për ekipin e dytë të Antwerpit.
Te ky klub është transferuar Arbnor Muja, por që nuk po luan ende. Krasniqi luan edhe me ekipin e parë, herë pas here.
Ekipi i parë i Antwerpit, që kishte eliminuar Dritën e Gjilanit, udhëheq në kampionatin belg. Ka fituar nëntë ndeshjet e deritashme.
