Mesfushori Enis Bardhi përfundimisht do të largohet nga skuadra e Levantes, e cila këtë sezon nuk arriti ta sigurojë mbetjen në La Liga.
“Fichajes” ka raportuar të mërkurën se te Levante tashmë e kanë nxjerrë në shitje Bardhin, i cili ka kontratë me klubin deri në vitin 2024.
Për ta lënë të lirë Bardhin, Levante po kërkon të paktën dhjetë milionë euro dëmshpërblim.
26-vjeçari është pjesë e Levantes prej vitit 2017, kur iu bashkua nga Ujpesti, kurse këtë edicion Bardhi ka shënuar tre gola dhe ka bërë dy asistime në 29 paraqitje në kampionatin spanjoll.
