Për dhjetë ditë me radhë në sheshin “Skënderbeu” në Prishtinë do të mbahet edicioni i dytë i turneut të futbollit të vogël, "Meridian Express Tournament 2017".
Në fushën e improvizuar do të luajnë rreth 400 lojtarë, të cilët do të ndahen në 16 ekipe.
Fëmijët do të jenë në 16 ekipe dhe skuadrat veterane me 4 ekipe.
Turneu do të fillojë me 4 korrik për nder të Ditës së Pavarësisë së SHBA-ve. Ndeshja e parë do të zhvillohet mes ambasadës amerikane dhe Policisë së Kosovës.
Ndeshje revyale do të zhvillohet mes ekipeve të Down Syndrome Kosova.
Ky aktivitet është i përkrahur nga Zyra e Kryeministrit, Komuna e Prishtinës, Ministria e Sportit dhe Ministria e Punës dhe Mirëqenies Sociale.