Herolind Shala po kalon formë të mirë te skuadra e Stabaekut.
Reprezentuesi i Kosovës e ka realizuar edhe asistimin e tretë sezonal në katër ndeshje të zhvilluara.
Megjithatë, skuadra e Shalës, Stabaeku, u mposht të dielën 4:2 në udhëtim te Rosenborgu, në kuadër të xhiros së gjashtë në elitën e futbollit të Norvegjisë.
Shala asistoi për golin e dytë të ekipit të tij në minutën e parë të kohës shtesë. Ai bashkëveproi me sulmuesin Oliver Edvardsen.
Stabaeku është në pozitën e nëntë pas katër ndeshjeve të luajtura. Ka pesë pikë në total.
Rosenborgu ndërkohë që ka luajtur shtatë ndeshje, ka 14 pikë.
