Sport

Forma e Muellerit te Bayerni nxit thirrjet për kthimin e tij te Gjermania

Forma e Muellerit te Bayerni nxit thirrjet për kthimin e tij te Gjermania
Foto: Reuters

Thomas Muelleri mund t’i nxisë edhe më tej thirrjet që ai të llogaritet nga Përfaqësuesja e Gjermanisë, kur Bayern Muencheni fillon mbrojtjen e trofeut të Ligës së Kampionëve kundër Atletico Madridit, të mërkurën (sonte) prapa dyerve të mbyllura, shkruan AFP. 

Pas 21 asistimeve edicionin e shkuar, që ishte edhe rekord në Bundesligë, Muelleri ka vazhduar formën e tij fantastike edhe në edicionin 2020/21, duke shënuar pesë gola dhe asistuar në katër të tjerë. 31-vjeçari shënoi dy herë në fitoren 4:1 ndaj Arminia Bielefeldit të shtunën e kaluar, takim në të cilin dy gola i shënoi edhe Robert Lewandowski.