Бундеслигашот Штутгарт инсистира на трансфер на Мергим Бериша пред затворањето на летниот преоден рок.
Германските медиуми во понеделникот објавија дека челниците на германскиот клуб преговараат со Салцбург за ослободување на Бериша.
Бериша има договор со Салцбург до следната година и Штутгарт веќе понуди четири милиони евра за неговиот картон.
Не можеме да си дозволиме скап трансфер и не можеме да понудиме пет, шест, седум или осум милиони евра за напаѓач во моментов“, изјави спортскиот директор на Штутгарт, Свен Мислинтат.
23-годишниот Бериша оваа сезона постигна еден гол на три натпревари за Салцбург во сите натпреварувања. Покрај Штутгарт, се вели дека интерес за Бериша пројавиле и екипи од Премиер лигата.
