Бруклин Нетс за само неколку дена остана без двете најголеми ѕвезди - откако тимот го напуштија Кајри Ирвинг и Кевин Дурент.
Во изненадувачки потег, Дурент кариерата ќе ја продолжи во редовите на Феникс Санс, кои веќе ја направија својата „голема тројка“.
Дурент ќе им се придружи на Крис Пол и Девин Букер на Санс за да ги направи еден од фаворитите за титулата.
Во договорот меѓу двата клуба, Феникс ги испрати Микал Бриџис, Кам Џонсон, Џеј Краудер, пикови од првата рунда во 2023, 2025, 2027 и 2029 година во Бруклин и опција Нетси да разменат пик со нив во 2028 година.
Заедно со Дурент, во Феникс се пресели и Ти Џеј Ворен.
Пред неколку дена Кајри Ирвинг му се приклучи на Далас.
