Лос Анџелес Лејкерс конечно успеа да го извади Расел Вестбрук од тимот, но може само делумно да бидат задоволни од завршената работа.
Лејкерси неодамна ја пропуштија големата можност да го испратат Вестбрук во замена за Кајри Ирвинг. Денеска Лејкерси го вклучија Вестбрук во трејд со Минесота Тимбервулфс и Јута Џез.
Лејкерси му понудија на Бруклин Вестбрук и два пика за Ирвинг, по што Нетси побараа уште двајца кошаркари, на што Лејкерси не се согласија. Тоа го искористи Далас, кој го украде Ирвинг.
Во Лејкерси пристигна Д'Анџело Расел, кој кариерата ја започна токму во клубот од Лос Анџелес, а по две сезони практично беше исфрлен од тимот во замена за Брук Лопез во 2017 година.
Заедно со Расел, нови играчи на Лејкерси станаа и Малик Бисли и Џеред Вандербилт.
Тимбервулфс ги добија Мајк Конли и Никеил Александар-Вокер, додека Вестбрук заврши во Јута Џез за Хуан Тоскано-Андерсон и Демијан Џонс.
