Актуелниот англиски шампион Манчестер Сити влезе во трка за играчот од средниот ред Деклан Рајс. „Сан“ во вторник пишува дека Сити има за цел да ја победи конкуренцијата на другите англиски тимови за играчот на Вест Хем Јунајтед.
Се очекува Рајс да си замине ова лето од Вест Хем, а Сити се смета за идеална замена за Илкај Гуендоган, кој одби да го продолжи договорот што му истекува на крајот од сезоната.
Покрај Сити, интерес за 24-годишниот фудбалер изразија и Арсенал, Челзи и Ливерпул.
Рајс е капитен на Вест Хем, а со првиот тим дебитираше во 2017 година, додека оваа сезона има 4 гола и исто толку асистенции на 45 настапи во сите натпреварувања. Тој има договор со Вест Хем до 2024 година со опција да продолжи уште една година, додека неговиот картон е проценет на над 70 милиони евра.
