-
Превод: Вита Абраши-Кајтази
- 31 јануари 2026 08:53 часот
- Споделете на:
Протеин кој се наоѓа во клетките на ракот може да помогне во заштитата на мозокот од деменција, покажува нова научна студија. Хафингтон пост.
Деменцијата е водечка причина за смрт во Англија и Велс со години, додека ракот е причина за повеќе од една четвртина од сите смртни случаи во Велика Британија.
Сепак, истражувачите со децении забележуваат дека овие две болести ретко се појавуваат кај исто лице.
Според списанието „Нејчр“, преживувањето од рак е поврзано со 11 проценти помал ризик од деменција, додека луѓето со деменција имаат околу 25 проценти помала веројатност да развијат рак.
Ова долгорочно набљудување покрена сомнежи дека едната болест може да има заштитен ефект против другата.
исто така
Студија: Статините можат да го намалат ризикот од деменција
Сега, студија објавена во списанието „Cell“ идентификуваше протеин што може да ја објасни оваа врска.
За време на 15-годишна студија, научниците откриле дека кај глувци предиспонирани за Алцхајмерова болест, трансплантациите на човечки тумори (бели дробови, простата и дебело црево) се чини дека го инхибираат развојот на болеста.
По шест години истражување, тие го идентификуваа протеинот цистатин Ц, кој успева да ја премине крвно-мозочната бариера и се врзува за молекули кои формираат амилоидни плаки, протеински грутки поврзани со деменција.
Откако ќе влезе во мозокот, овој протеин активира друг протеин, TREM2, кој му сигнализира на имунолошкиот систем на мозокот да испрати заштитни клетки за да ги разградат овие штетни плаки.
Ова значи дека протеините присутни во клетките на ракот можат да помогнат во „разградувањето на протеинските грутки поврзани со деменција“.
Авторите на извештајот од студијата нагласија дека ова откритие би можело да донесе „важен концептуален напредок во невронауката за рак“ и да го промени начинот на лекување на деменцијата.
исто така
Витаминот Д може да помогне во заштитата на мозокот од губење на меморијата
Наместо стратегии кои имаат само за цел да го намалат амилоидот, новиот пристап би можел да се фокусира на „уништување на постојните амилоидни плаки“ преку целни терапии.
Сепак, претставниците на „Nature“ нагласија дека ова е само дел од сложувалката, бидејќи не сите форми на деменција се предизвикани од амилоидни плаки.
