KOHA.net

Поддржете го TIME. Зачувајте ја вистината.
фудбал

Рачи одби преселба во САД, бара место во Хајдук

Хјустон Динамо

Mediumi kroat “24sata.hr” ka shkruar të dielën se mbrojtësi i Kosovës, Ron Raçi, kishte refuzuar kalimin te skuadra nga Shtetet e Bashkuara të Amerikës, Houston Dynamo, për të qëndruar te Hajduku i Splitit. 

Houston Dynamo dimrin e kaluar i kishte dërguar ofertë prej 2.1 milionë eurosh Hajdukut për Raçin. 

Madje, Houstoni i kishte ofruar mbrojtësit të Kosovës pagë prej 55 mijë eurosh në muaj, sipas mediumit kroat. Por këtë ofertë e ka refuzuar Raçi. 

Ai kishte vendosur të qëndrojë te Hajduku dhe të luftojë për një vend në formacionin startues. 

Raçi ishte heroi i Hajdukut të shtunën në fitoren 2:1 ndaj Lokomotivës së Zagrebit. 

Ai e realizoi golin e fitores për ekipin e madh kroat. 

Raçi u kthye në formacionin startues, pasi në nëntë ndeshjet e kaluara kishte qëndruar në bankën rezervë.

24-vjeçari Raçi te Hajduku u transferua verën e kaluar nga Prishtina për 300 mijë euro. Me Hajdukun ka kontratë deri në verën e vitit 2029.