Трамп: Ќе обезбедиме заштита и безбедност за Украина

Трамп беше прашан дали САД ќе испратат „американски мировници“ во Украина за да обезбедат мировен договор.

„Ќе работиме со Украина, ќе работиме со сите за да се осигураме дека мирот е долгорочен. Соединетите Американски Држави ќе работат и со Русија и со Украина за да се осигурат дека тој функционира“, додава тој. „Ако можеме да постигнеме мир, знам дека ќе функционира. Не се сомневам во тоа.“

Трамп беше прашан дали ќе ѝ даде на Украина безбедносни гаранции и заштита слични на оние на НАТО како дел од мировниот договор.

Американскиот претседател рече дека за ова сè уште не е разговарано, но „ние ќе им обезбедиме многу добра заштита, многу добра безбедност“.