Градоначалникот на Киев не гледа светлина на крајот од тунелот

Градоначалникот на Киев, Виталиј Кличко, поранешен светски шампион во бокс, изјави дека се бори да види неизбежен крај на војната со Русија.

Кличко во интервју за емисијата Newyddion S4C на Би-Би-Си рече дека моментално „не ја гледа светлината на крајот од тунелот“, но се надева дека борбата нема да продолжи со години.

Тој нагласи дека не може да има компромис со Русија за постигнување на оваа цел и дека тоа не значи откажување од територијата.

Запрашан дали мисли дека Западот - вклучително и Британија - треба да обезбеди поголема поддршка и војници на теренот за да и помогне на Украина да се одбрани, Кличко рече дека можеби ќе бидат потребни британски војници доколку ситуацијата се влоши.

„Ние ги штитиме не само нашите семејства. Ние ги штитиме не само нашите деца. Ги штитиме сите на Запад“, рече Кличко.

Руските напади врз Украина започнаа на 24 февруари, а до сега голем дел од оваа земја, главно на исток, претрпе големи разурнувања. Илјадници луѓе исто така се убиени, додека милиони други се раселени од своите домови.