Бајден потпиша наредба за декласификација на документите од 11 септември

Претседателот на Соединетите Американски Држави, Џо Бајден, потпиша извршна наредба со која бара преглед на доверливите документи поврзани со терористичките напади од 11 септември.

Бајден минатиот месец беше предупреден од илјадници Американци погодени од терористичките напади, вклучително и семејствата на жртвите и преживеаните, да не присуствува на ниту една од церемониите по повод 20-годишнината од ужасниот настан, освен ако не ги декласифицира документите кои потенцијално ги покажуваат врските на саудиската влада со Бомбаши самоубијци на 11 септември.

„Денеска потпишав извршна наредба со која го насочувам Министерството за правда и другите релевантни агенции да го надгледуваат прегледот на декласификацијата на документите поврзани со истрагите на Федералното истражно биро за 11 септември. Извршната наредба бара од јавниот обвинител да ги објави декласифицираните документи во следните шест месеци“, рече Бајден.

На 11 септември 2001 година, во САД беа извршени серија координирани терористички напади, предводени од терористичката група Ал Каеда против Америка.

Предмет на нападот биле важни згради во САД, како што се кулите близначки каде што се наоѓало седиштето на Светската трговска организација во Њујорк, зградата на Пентагон како и Белата куќа. Илјадници граѓани беа убиени во најтешкиот терористички напад во историјата на човештвото.