Стаорци околу контејнери, тревога за ризик од заразни болести во Приштина

Minj të mëdhenj shihen përreth kontejnerëve të mbushur me mbeturina në kryeqytet. Mungesa e deratizimit, sipas ambientalistëve, rrit rrezikun e përhapjes së sëmundjeve dhe e bën të domosdoshme ndërhyrjen e institucioneve. Komuna e Prishtinës e ka rihapur tenderin e ri për deratizim, pasi procedura e parë është anuluar

Егзона Мема

Lagje të kryeqytetit vazhdojnë të përballen me mbeturina e edhe minj rreth tyre. Ambientalisti Besnik Shabiu thotë se situata është shqetësuese, meqë nëpërmjet tyre mund të përhapen sëmundje.

“Rreziku për qytetarët nga këta brejtës lidhet me mundësinë e bartjes së sëmundjeve qoftë përmes urinës, fecesit, pështymës apo parazitëve të ndryshëm. Në raste të tjera mund ta kontaminojnë edhe ujin dhe ushqimin si dhe dëmtojnë infrastrukturën, si rasti i dëmtimit të kabllove elektrike etj.”, ka thënë Shabiu. 

Ai ka shtruar nevojën për deratizim.

“Prej llojeve më të shfaqura në të tilla zona është miu i kanalizimeve. Për shkak të këtyre shqetësimeve është obligative mirëmbajtja e pastërtisë, sanimi i dëmeve në sistemin e kanalizimeve si dhe deratizimi profesional”.

Komuna e Prishtinës ka hapur më 24 korrik tenderin për deratizimin e rrjetit të kanalizimit, garazheve, bodrumeve dhe hapësirave publike, por procedura më pas u anulua. Më 31 korrik, Komuna e rihapi tenderin me vlerë të parashikuar prej 180 mijë eurosh. Afati për dorëzimin e ofertave është 24 gusht.
Në Komunë nuk dhanë informacione lidhur me deratizimin dhe gjendjen aktuale me brejtës.

исто така Арбери 25 јуни 2026 година Жителите на Саншајн Коуст во проблеми со стаорци

Opozitarët në Prishtinë thanë se çështjen do ta ngrenë në Kuvendin Komunal. 

“Patjetër që do ta ngremë si çështje, sepse është shumë e nevojshme edhe pastrimi ku ka mbeturina, sepse në ato pjesë pastaj po dalin edhe minjtë e që paraqet rrezik për shëndetin e banorëve, sidomos tash nxënësve kur nisin vitin shkollor në shtator”, ka thënë Besart Krasniqi, asambleist i Vetëvendosjes. KOHA pati raportuar për prezencën e minjve nëpër kontejnerë edhe në qershor të këtij viti. Ata janë parë në shumë lagje afër kontejnerëve të stërmbushur.