Катар ќе го поддржи Косово за ново признавање и членство во меѓународните организации

Претседателот на Владата на Република Косово, Рамуш Харадинај, беше домаќин на средба со катарскиот амбасадор во Албанија, Али бин Хамад ал Мари.

Како што се наведува во соопштението, Харадинај му се заблагодарил за поддршката што државата Катар му ја дава на Косово во сите периоди на градење на државата.

Премиерот го информираше амбасадорот на Катар во Албанија, Али бин Хамад ал Мари, за посветеноста на Владата за континуирано зајакнување и консолидација на државата Косово, како и за случувањата и процесите поврзани со евроатлантската агенда со целта за полноправно членство на Косово.во НАТО и ЕУ.

Исто така, во коминикето се вели дека тој изразил подготвеност за продлабочување на односите меѓу двете земји, особено на полето на инвестициите и економскиот развој.

Во меѓувреме, амбасадорот на Катар во Албанија, Али бин Хамад ал Мари, ја истакна подготвеноста на Катар да продолжи да го поддржува Косово во сите области, вклучително и поддршката за новото признавање и членството на Косово во меѓународните организации.