Këshilli i Banorëve të Lagjes “Ulpiana” ka kërkuar nga kryetari i Prishtinës, Përparim Rama, anulimin e vendimit për caktimin e e lokacionit për projektin “Ulpiana 2030 Legacy”, të datës 6 nëntor 2026.
Në letër thuhet se lokacionet e përcaktuara në projekt nuk paraqesin hapësira të lira për ndërtim të ri, por janë pjesë e strukturës ekzistuese të lagjes që mund të ndikojnë në hapësirat e përbashkëta dhe cilësinë e jetës.
Tutje thuhet se ky vendim nuk është konsultuar paraprakisht me banorët e lagjes, ndonëse e drejta për informim dhe pjesëmarrje garantohet me ligj.
“Ne, banorët e Lagjes ‘Ulpiana’, shprehim shqetësimin se lokacionet e përcaktuara për këtë projekt nuk paraqesin hapësira të lira për ndërtim të ri, por janë pjesë e strukturës ekzistuese të lagjes, të cilat ndikojnë drejtpërdrejt në hapësirat e përbashkëta, gjelbërimin, qarkullimin dhe cilësinë e jetesës. Për më tepër, konsiderojmë se ky vendim është në kundërshtim me kërkesat ligjore që rregullojnë planifikimin dhe ndërtimin urbanistik, si dhe është marrë pa konsultimin dhe përfshirjen e banorëve, ndonëse e drejta e tyre për informim dhe pjesëmarrje në proceset vendimmarrëse garantohet me legjislacionin në fuqi”, thuhet në letrën e banorëve.
Sipas tyre, kjo qasje rrezikon dëmtimin e mëtejshëm të lagjes, zvogëlimin e hapësirave publike, cenimin e cilësisë së jetesës së banorëve, si dhe humbjen e një prej monumenteve të trashëgimisë institucionale të vjetër të Komunës së Prishtinës.
Ata kanë paralajmëruar se do t’iu drejtohen organeve kompetente për mbrojtjen e të drejtave të tyre nëse kërkesa e tyre nuk gjen mbështetje të Komuna.
“Në rast se kërkesa jonë nuk gjen mbështetjen dhe adresimin e duhur nga KK i Prishtinës, do të detyrohemi t'u drejtohemi edhe organeve të tjera kompetente për mbrojtjen e të drejtave dhe interesave të banorëve. Megjithatë, dëshirojmë të besojmë se Komuna e Prishtinës do të tregojë përgjegjësinë e nevojshme institucionale dhe nuk do të marrë vendime që, në radhë të parë, nuk marrin parasysh kërkesat, interesat dhe të drejtën e banorëve të Lagjes ‘Ulpiana’ për të qenë pjesë e vendimmarrjes që ndikon drejtpërdrejt në jetën e tyre”, thuhet në njoftim.
Означувањето на локацијата за изградба на нов објект и подземен паркинг кај „Фонтана“ во Улпијана предизвика бројни реакции. По одлуката на Општинското собрание, директорот за стратешко планирање изјави дека ова се прави спротивно на подготовките за Медитеранските игри, но Министерството за млади и спорт нагласи дека таков проект не е предвиден за овој настан што ќе се одржи во Приштина во 2030 година.