Në ditën e fundit të muajit shkurt, Ministria e Financave i ka ekzekutuar pagat e punëtorëve të sektorit publik konform Ligjit të Pagave.
Por, pavarësisht lëvizjeve që janë bërë në paga, punonjës të shumë institucioneve vazhdojnë të jenë të pakënaqur me koeficientet që u janë përcaktuar.
Në Sindikatën e Policisë së Kosovës shprehen të pakënaqur me përmbajtjen e Ligjit, sidomos te shtesat e rrezikshmërisë dhe ato për punë jashtë orarit, për çka i janë drejtuar me ankesë Institucionit të Avokatit të Popullit.
“Kërkesa jonë tek Avokati i Popullit ka të bëjë kryesisht me rrezikshmërinë e punës në Policinë e Kosovës, me shtesat jashtë orarit të punës, me nivelimin e koeficienteve me FSK-në, sepse jemi dy institucione të sigurisë dhe në Ligjin e Pagave thuhet shumë mirë që për punë të njëjtë, pagë të njëjtë”, tha Imer Zeqiri, kryetar i Sindikatës së Policisë së Kosovës.
Përveç Sindikatës së Policisë, Ombudspersonit me ankesa kundër Ligjit të Pagave i janë drejtuar edhe 39 institucione të tjera. Avokati i Popullit ka kohë 6 muaj që t’i shqyrtojë ato dhe të japë vlerësimin nëse do ta dërgojë Ligjin në Gjykatën Kushtetuese.
“Ankesat kanë ardhur nga sektorë të ndryshëm, si auditorë të brendshëm, zyrtarët komunalë të Arsimit të Komunës së Prizrenit, Shoqata Sindikale e Shërbimit Sprovues të Kosovës, Instituti Kosovar i Drejtësisë (IKD), infermierët, mjekët që punojnë në Ministrinë e Shëndetësisë, laborantë të lartë mjekësorë, Oda e Fizioterapeutëve të Kosovës, Sindikata e Policisë së Kosovës, Komisioni Qendror Zgjedhor, Qendra për pajisje të dokumenteve, Shoqata e Instrumentarëve të Kosovës, Komisioni i Pavarur i Mediave, Zyra e Rregullatorit të Energjisë, Këshilli Prokurorial i Kosovës, Këshilli Gjyqësor i Kosovës, ekspertët në Prokurorinë Speciale të Republikës së Kosovës, Autoriteti Rregullator për Shërbimet e Ujit, etj. Institucioni i Avokatit të Popullit është duke i trajtuar këto ankesa dhe po ashtu është duke analizuar Ligjin në fjalë dhe pas kësaj Avokati i Popullit do të dalë me një qëndrim në lidhje me këtë çështje”, thuhet nga Avokati i Popullit.
Për ankesat që ka bërë, Sindikata e Policisë pret që Avokati i Popullit ta procedojë Ligjin në organin më të lartë të drejtësisë.
“Ne presim që Avokati i Popullit ta analizojë kërkesën tonë, të vlerësojë se kemi të drejtë ligjërisht në të dhe në njëfarë forme është në dorën e Avokatit nëse do ta përcjellë tutje ose jo. Ne kemi marrë një përgjigje me shkrim nga Avokati i Popullit, i cili ka konsideruar se kërkesa jonë ka pranueshmëri ligjore dhe po presim tash për veprimet e Avokatit të Popullit”, tha Zeqiri.
Ligji i Pagave ka hyrë në fuqi më 5 shkurt dhe vlera e koeficientit është 105 e
© KOHA. Të gjitha të drejtat janë të rezervuara.
