FBI-ja po heton shitjen e qindra eksponateve në “eBay” që dyshohet se janë vjedhur dhe mungojnë në Muzeun Britanik.
Agjencia e zbatimit të ligjit ndihmoi Policinë Metropolitane për kthimin e 268 eksponateve nga një koleksionist në Washington. FBI-ja gjithashtu kontaktoi një blerës në New Orleans për dy eksponate të blera në “eBay”.
Posta elektronike nga agjenti i FBI-së thoshte se ata po ndihmonin Policinë Metropolitane në hetimin e saj për eksponatet e humbura, të vjedhura dhe të dëmtuara të Muzeut Britanik. Blerësi, Tonio Birbiglia, i tha BBC-së se i bleu dy gurët e çmuar nga e njëjta llogari në “eBay”, e identifikuar më vonë nga informatori Ittai Gradel si shitës i eksponateve nga koleksioni i Muzeut Britanik për vetëm 51 dollarë.
Birbiglia i tha BBC-së se ai pagoi 42 funte për një perlë në maj 2016, dhe më vonë bleu një gur të çmuar për 170 funte.
BBC raportoi se FBI, Muzeu Britanik dhe as policia britanike nuk kërkuan informacione të mëtejshme nga Birbiglia dhe ai nuk i posedon më këto objekte.
Muzeu Britanik njoftoi në gushtin e kaluar se xhevahiret e lashta, bizhuteritë dhe sende të tjera nga koleksioni i tij mungonin ose ishin dëmtuar. Shumë prej eksponateve nuk ishin kataloguar apo fotografuar nga Muzeu.
Në njoftimin për medie të institucionit nuk përmendej emri i punonjësit që u pushua nga puna, por individi u identifikua shpejt nga mediet si kuratori i lartë Peter Higgs. Muzeu aktualisht po padit Higgs në një çështje civile. Sipas dokumenteve të gjykatës, Muzeu Britanik pretendon se vjedhjet nga depot e tij kanë ndodhur gjatë një dekade dhe shitjet e gurëve të çmuar të lashtë te “të paktën” 45 blerës kanë gjeneruar rreth 100 mijë funte.
Higgs nuk është akuzuar apo arrestuar dhe familja e tij i ka mohuar akuzat.
Ndikimi i vjedhjeve në Muzeun Britanik ka qenë i jashtëzakonshëm, me dorëheqje, dëshmi në komisione parlamentare, një rishikim të pavarur, si dhe me thirrje të riatdhesuara për riatdhesimin e eksponateve të profilit të lartë: ato përfshijnë dorëheqjen e menjëhershme të drejtorit Hartwig Fischer. Në vend që të nisej në fillim të vitit 2024 siç ishte paralajmëruar më parë; largimi i mëvonshëm i zëvendësdrejtorit Jonathan Williams; 36 rekomandimet e rishikimit të pavarur për sigurinë, qeverisjen dhe operacionet e mbajtjes së të dhënave të muzeut; si dhe planet për një dokumentacion të plotë të koleksionit të Muzeut në pesë vjet me një kosto prej 12.1 milionë dollarësh.
Mungesa e katalogimit të koleksionit të Muzeut nxiti gjithashtu krijimin e një faqeje interneti që kërkon ndihmën e publikut për gjetjen e disa prej artefakteve të humbura dhe të vjedhura. BBC-ja raportoi gjithashtu se në disa raste, koleksionistët kanë rënë dakord t'i dhurojnë artefakte Muzeut Britanik, në mënyrë që stafi të mund të vlerësojë nëse ato vinin nga koleksioni i tij.
Nga 1 mijë e 50 eksponate të humbura, të vjedhura dhe të dëmtuara, Muzeu njoftoi në fillim të këtij muaji se kishte gjetur 626 dhe kishte gjetur edhe 100 të tjera që nuk ishin kthyer ende në institucion. (Art News)
