Kulturë

Tre artistë “mbyllen” në studio të hapur në komunikim me publikun

Piktorët Arbnor Karaliti, Lumturie Krasniqi dhe Yll Xhaferi e shndërruan hapësirën e “Paper Gallery” në studio të hapur. Aty komunikuan me njëri-tjetrin e me publikun, teksa realizuar veprat e tyre që do të bashkohen në ekspozitë
Piktorët Arbnor Karaliti, Lumturie Krasniqi dhe Yll Xhaferi e shndërruan hapësirën e “Paper Gallery” në studio të hapur. Aty komunikuan me njëri-tjetrin e me publikun, teksa realizuar veprat e tyre që do të bashkohen në ekspozitë
 

Në studion jo edhe aq të madhe, në hapësirat e “Paper Gallery”, tre artistë në medium të përbashkët, pikturën, ndanë përditshmërinë me njëri-tjetrin. Puna, kafetë e mëngjesit e pauzat e gjata për më shumë se një muaj ishin më ndryshe se zakonisht për Arbnor Karalitin, Lumturie Krasniqin dhe Yll Xhaferin. Veprat e tyre të realizuara gjatë asaj kohe do të ndahen me publikun në ekspozitë

Për një muaj e 24 ditë tre piktorët, Arbnor Karaliti, Lumturie Krasniqi dhe Yll Xhaferi, e shndërruan hapësirën e “Paper Gallery” në studio të hapur. Bashkë me “Paper Gallery” dhe “Prishtina Biennale” studioja qëndroi e tillë në kuadër të projektit “Në duart tona”. Pjesë e këtij projekti qenë edhe artistë të tjerë. Por veprat e treshes do të bëhen tok në ekspozitën “Daily Archived”.

Vullnet Jakupi, koordinator i “Paper”, ka kujtuar se Naho Kawabe nga Japonia, Dor Zlekha Levy nga Izraeli dhe Chuck Blue Lowry nga Londra janë vetëm tre prej artistëve ndërkombëtarë që nëpërmjet artit të tyre prekën tema sociale e të tjera që e preokupojnë shoqërinë në tërë botën. Ka thënë se këto ditët e fundit dhe vizitat e shumta nga publiku ia shtuan veçantinë studios së parë të hapur në vend.