Kulturë

Vidhet kablloja duke e lënë në terr Kalanë e Rozafës

Vidhet kablloja duke e lënë në terr Kalanë e Rozafës
Persona të paidentifikuar kanë gërmuar rreth Kalasë së Rozafës duke nxjerrë kabllot elektrike. Kanë vjedhur një pjesë të tyre duke pamundësuar ndriçimin e një ane të monumentit
 

Tre muaj pasi u bë ndriçimi i strukturave të Kalasë së Rozafës në Shkodër, monumenti është bërë pre e hajnave. Gjatë natës persona të paidentifikuar kanë gërmuar rreth mureve duke i nxjerrë kabllot elektrike. Kanë vjedhur një pjesë të tyre, duke pamundësuar ndriçimin e një ane të Kalasë.

Këtë dëmtim, ministrja e Kulturës, Elva Margariti, e cilësoi si krim ndaj trashëgimisë kulturore të këtij qyteti. E drejtoresha e Drejtorisë Rajonale të Kulturës në Shkodër, Majlinda Lacaj, veprimin e ka parë si akt të shëmtuar të bërë nga individë të papërgjegjshëm.