Kronikë

Arrestohen pesë persona në Ferizaj për bixhoz të paligjshëm

Policia Rajonale e Ferizajt ka arrestuar pesë persona të dyshuar për bixhoz të paligjshëm.

Policia njofton se ka pranuar një informacion, se në një lokal në rrugën ‘’Liman Reka” në Ferizaj dyshohet se disa persona dyshuar janë duke zhvilluar aktivitet joligjorë, duke luajtur bixhoz.

Njësitet reaguese dhe hetuesit e stacionit policor në Ferizaj menjëherë u janë përgjigjur këtij informacioni dhe kanë lokalizuar lokacionin e dyshuar, ku aty kanë hasur pesë persona duke luajtur bixhoz.

Me këtë rast, policia ka marrë veprimet e duhura hetimore duke bërë fotografi si dëshmi materiale, të një numri të letrave që janë përdorur për bixhoz, poashtu fletore që të dyshuarit ishin duke e përdor për të shënuar aktivitetin e tyre gjatë kësaj loje të paligjshme.

Pasi janë kontrolluar personat e dyshuar, të njëjtit janë arrestuar dhe janë shoqëruar në stacionin policor në Ferizaj.

Pas intervistimit nga Njësia e Hetimeve, me vendim të Prorokurorit nga Prokuroria Themelore në Ferizaj, personat me inicialet N.S. 50-vjeçar, F.A. 27-vjeçar, B.R. 44-vjeçar, P.Z. 25-vjeçar dhe S.J. 40-vjeçar, të gjithë meshkuj, kosovarë janë dërguar në mbajtje për 48 orë, për procedura të mëtejme hetimore.