Rreth 30 banorë të lagjes “Morina” të Çikatovës së Vjetër të Drenasit kanë rezistuar pasi fabrika e “Ferronikelit” nisi rrethimin e një pjese malore në lagjen “Morina”.
Ata pohojnë se tokat janë të tyre dhe se për to janë në kontest gjyqësor me “Ferronikelin”, meqë kurrë nuk janë kompensuar. Deri tani 5 banorë kanë dhënë deklarata në polici dhe 5 të tjerë janë duke dhënë deklaratat e tyre. Në stacion policor aktualisht është duke u intervistuar edhe drejtori i “Ferronikelit”.
Banorët kanë thënë se një grua ka përfunduar në ambulancë, pas tensionit të krijuar gjatë përleshjes.
Një ekip i KOHËS ka qëndruar në vendngjarje dhe aktualisht është në pritje të deklaratës së drejtorit të “Ferronikelit”, që aktualisht ndodhet në stacionin policor.
