Kosovë

Ambasada e Çekisë i dhuroi pajisje moderne shkollës së të verbërve në Pejë

Ambasada e Çekisë i dhuroi pajisje moderne shkollës së të verbërve në Pejë
 

Me rastin e dorëzimit të pajisjeve, ambasadori i Republikës së Çekisë në Kosovë, Pavel Bilek, bëri të ditur se donacioni është realizuar përmes Agjencisë Çeke për Bashkëpunim dhe se është kontributi i popullit çek. Ndihmën për qendrën burimore për mësim dhe këshillim “Xheladin Deda” në Pejë e kanë vlerësuar lart drejtori i këtij institucioni, ministrja e Arsimit dhe kryetari i Shoqatës së të Verbërve të Kosovës

Ambasada e Republikës së Çekisë në Kosovë ka vazhduar ta mbështesë Qendrën Burimore për Mësim dhe Këshillim “Xheladin Deda” në Pejë. Të mërkurën kjo ambasadë, me qëllim të lehtësimit të procesit mësimor të nxënësve, ka dhuruar pajisje moderne në vlerë prej 19 mijë euro.

Në mesin e pajisjeve që funksionojnë me shkronja Braill, është një printer digjital, shtatë makina shkrimi dhe tri pajisje digjitale specifike për nevojat e shkollës, e vetmja në Kosovë për persona të verbër dhe me të parë të dëmtuar.