-
Nga:
Agim Ademi
- 6 qershor 2019 14:31
- Shpërndaje në:
Komuna e Ferizajt ka shpallur zyrtarisht zgjedhjet për përfaqësues të fshatrave dhe zonave urbane të qytetit. Mirëpo, ky proces po kundërshtohet nga subjektet politike dhe nga shoqëria civile me arsyetim se nuk janë bërë përgatitjet e duhura për një proces demokratik dhe transparent.
Përfaqësuesit e disa fshatrave kanë thënë se komuna po insiston ta politizojë procesin zgjedhor me qëllim që militantët e qeverisjes lokale (PDK) të zgjidhën kryetarë fshatrash. Në këtë proces Komuna e Ferizajt është treguar jotransparente edhe me OJQ INPO, e cila ka shprehur interesim për mbarëvajtje dhe monitorimin e zgjedhjeve në mënyrë vullnetare, mirëpo asnjëherë nuk kanë marrë përgjigje, shkruan sot Koha Ditore.
INPO-ja nëpërmjet një komunikate ka shprehur shqetësim lidhur me tendencën e Komunës së Ferizajt që zgjedhjet e kryetarëve të këshillave lokale t’i organizojë në mënyrë të ngutshme dhe jotransparente. Sipas saj, Komuna e Ferizajt në bazë të njoftimit të datës 31 maj 2019 planifikon që gjatë periudhës 5 qershor 2019 deri më 23 qershor 2019 t’i organizojë zgjedhjet e kryetarëve të këshillave lokale, proces ky që nuk është bërë për më shumë se katër vjet.
(Më gjerësisht lexoni në Koha Ditore)
