Hendbollistet e Kosovës u mposhtën thellë të enjten mbrëma në Karlskrona të Suedisë, në ndeshjen e parë të fazës së dytë kualifikuese për Botërorin e këtij viti.
Kosova humbi me rezultatin 51:16 në ndeshjen që u zhvillua në “Brinova Arena” të mbushur me shikues.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTe Kosova shpresojnë që atmosferë të ngjashme të ketë edhe në duelin kthyes që zhvillohet të dielën nga ora 17:15, në Pallatin e Rinisë dhe Sportit në Prishtinë.
“Vajzave tona u duhet përkrahja në ndeshjen e kthimit me Suedinë. Të dëshmojmë që jemi krah i lojtareve tona edhe kur sfidohemi nga njëra prej Kombëtareve më cilësore në botë”, ka shkruar Federata e Hendbollit e Kosovës të shtunën.
Suedia ishte gjysmëfinaliste e dy Olimpiadave të fundit. Gjysmëfinaliste ishte edhe në Botërorin e vitit 2023, ndërsa e pesta ishte në Evropianin e vitit të kaluar.
Kosova në fazën e parë kualifikuese fitoi ndaj Belgjikës dhe Bosnjë-Hercegovinës dhe avancoi tutje. Por, nuk pati fat në short pasi u vu ndaj njërës prej përfaqësueseve më cilësore në këtë sport.