Prishtina dhe Ferizaj kanë barazuar pa gola në pjesën e parë. Ndeshja i takon javës 12-të të elitës së futbollit kosovar.
Ky ballafaqim po luhet në stadiumin “Fadil Vokrri” në Prishtinë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryeziu ia siguron Prishtinës pikët e plota
Prishtina e ka shënuar fitoren e parë pas dy disfatave rresht në elitën e futbollit të Kosovës.
Prishtina të dielën, e kthyer pas një kohe të gjatë në stadiumin “Fadil Vokrri”, fitoi 1:0 ndaj Ferizajt, në ndeshjen e xhiros së 12-të të Superligës.
Sfidën e vendosi goli i sulmuesit Leotrim Kryeziu, në minutën e 61-të.
Kryeziu shënoi me asistim të Albin Krasniqit.
Ferizaj ndërkohë e ndërpreu ecurinë pozitive të rezultateve. Kishte tri fitore e një barazim në katër ndeshjet e fundit. Por nuk arriti që ta ndalë edhe Prishtinën.
E pati një mundësi me Sokol Kiqinën. Kiqina në minutën e 93-të fillimisht e qëlloi shtyllën, e pas topit të kthyer, gjuajti mbi portë.
Me këtë fitore Prishtina tani në 11 ndeshje të luajtura i ka 19 pikë, aq sa i kanë edhe Ballkani në vendin e dytë dhe Malisheva në vendin e tretë.
Ballkani e Malisheva luajnë të hënën ndaj Feronikelit 74, respektivisht ndaj Llapit.
Ferizaj mbetet në pozitën e tetë me 14 pikë, një më shumë se Gjilani që zë vendin e parafundit.
Në xhiron e 13-të, Prishtina luan në udhëtim te Llapi në derbi, derisa Ferizaj e pret Dritën.
Prishtina në epërsi
Leotrim Kryeziu e ka kaluar në epërsi skuadrën e Prishtinës ndaj Ferizajt. Kryeziu realizoi për 1:0 në minutën e 61-të.
Kjo ndeshje i takon xhiros së 12-të të Superligës së Kosovës në futboll.