Reperi i njohur amerikan, Bow Wow, është akuzuar nga ndjekësit në platformën “X”, pasi ai në një podcast ka thënë se reperi P. Diddy, i cili është arrestuar pas një mori padish për krime seksuale “ishte i rëndësishëm për kulturën”.
Pas arrestimit të reperit, emri i vërtetë i të cilit është Sean Combs, disa persona të famshëm kanë komentuar mbi situatën, përfshirë Bow Wowin, shkruan Yahoo.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Ai së fundi ka përshkruar eksperiencën e tij që kishte në raport me Combsin duke thënë se “kur Diddy ishte këndej pari, gjithmonë kishte ndeja të mira pas çdo ngjarjeje”.
“Ai ishte shumë i rëndësishëm për kulturën”, ka thënë Bow Wow për themeluesin e shtëpisë diskografike “Bad Boy Records”, në podcastin “More to The Story” me Rocsi Diaz.
Adhuruesit dhe ndjekësit e krijuesit të hitit “Like You”, e quajtën injorant duke i thënë se deklaratat ishin të trupshme.
“Bow Wow definitivisht është një ndër ata njerëz që nuk është pjekur që nga koha kur është bërë i famshëm”, ka shkruar një përdorues i “X”.
Combs aktualisht po përballet me akuza për krime seksuale, për të cilat pritet të gjykohet në muajin maj të vitit të ardhshëm.
Ai është burgosur muajin e kaluar, ndërkohë që mbrojtja në liri i është mohuar 3 herë, përfshirë dorëzaninë prej 50 milionë dollarësh.