Pas dhjetë ditësh kanë marrë fund kërkimet për dyvjeçaren Danka Iliq në Bor të Serbisë. Të enjten, dy persona janë arrestuar në lidhje me vrasjen e saj.
Srdan Jankoviq (50 vjeç) ka pranuar para hetuesve se bashkë me kolegun Dejan Dragijeviq (50 vjeç) e kanë vrarë vajzën dyvjeçare, duke e goditur me veturë zyrtare mesditën e 26 marsit. Të arrestuarit ishin punëtorë të Ndërmarrjes Komunale “Vodovod”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAta kanë rrëfyer se pasi e kanë goditur vajzën e vogël, e kanë groposur në një deponi në Bor. Dyshohet se në momentin e incidentit, Jankoviq e Dragijeviq ishin të dehur.
Siç shkruan “N1”, vetura më pas është pastruar me acid. Por kishte mbetur një pikë e gjakut, e cila u mor për analizë dhe çoi në arrestimin e Jankoviqit dhe Dragijeviqit. Ata janë kthyer në vendin ku e kishin groposur trupin e vajzës disa herë.
Gjithçka ka ndodhur vetëm pak minuta pasi nëna e Danka Iliqit e kishte raportuar të zhdukur vajzën e saj.
Trupi i vajzës ende po kërkohet.
Për herë të parë, në Serbi u aktivizua sistemi emergjent “Find Me” ditën e zhdukjes së vajzës.