Distria Krasniqi fitoi medaljen e argjendtë e Laura Fazliu të bronztën në Lojërat Olimpike që po mbahen në Paris. Për suksesin në Paris, Distria, Laura dhe trajneri i tyre, Driton Kuka, do të shpërblehen financiarisht nga shteti.
Në bazë të rregullores për ndarjen e shpërblimeve shtetërore për sportistët që arrijnë rezultate kulminante në garat ndërkombëtare, nga buxheti i shtetit, Distrisë do t’i takojnë për medalje të argjendtë 60 mijë euro, kurse Laurës 40 mijë euro për të bronztën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Trajnerët e sportistëve që arrijnë rezultate të vlefshme për shpërblime shtetërore sipas kësaj Rregulloreje, shpërblehen në masën 50% të vlerës së përcaktuar për sportistët”, shkruan në rregulloren për ndarjen e shpërblimeve shtetërore të MKRS-së.
Pra, trajnerit Kuka do t’i takojnë në total 50 mijë euro. Ekipi i xhudos i udhëhequr nga kryemjeshtri Driton Kuka ka fituar pesë medalje olimpike në tri pjesëmarrjet e Kosovës në Lojërat Olimpike. Të artën në “Rio 2016” e fitoi Majlinda Kelmendi, ndërsa në “Tokio 2020” me medalje ari u stolisën Distria Krasniqi dhe Nora Gjakova.