Një person ka vdekur si pasojë e plagëve të marra në një aksident trafiku që kishte ndodhur më 6 qershor 2025 në fshatin Lushtë të Mitrovicës së Jugut.
Viktima, një mashkull kosovar, ishte duke u trajtuar në Qendrën Klinike Universitare të Kosovës (QKUK), ku më 20 qershor ka vdekur, ka njoftuar Policia në raportin 24-orësh.
Në të njëjtin aksident, lëndime trupore kishin pësuar edhe dy femra.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
