Policia ka dhënë detaje të reja lidhur me therjen me thikë të një gruaje në Fushë-Kosovë, ngjarje e cila ka ndodhur të shtunën.
Sipas raportit 24-orësh të Policisë, një grua dyshohet se është therur me thikë nga i fejuari i saj, me të cilin ishte duke bashkëjetuar.
Viktima raportohet se ka marrë lëndime dhe i është nënshtruar operimit për shkak të gjendjes kritike të saj.
I dyshuari është dërguar në mbajtje, ndërkaq rasti është cilësuar si “vrasje e rëndë në tentativë”.
“Njësitet policore pas pranimit të informatës lidhur me rastin, kanë dalë në vendin e ngjarjes dhe kanë takuar viktimën e cila dyshohet se kishte pësuar lëndime me mjete të mprehta. Viktima pas tretmanit fillestar mjekësor në QKMF, është dërguar në QKUK dhe i është nënshtruar operimit për shkak të gjendjes kritike të saj. Lidhur me rastin është arrestuar i dyshuari, i fejuari i saj me të cilin ishte duke bashkëjetuar, nën dyshimin se i njëjti është i përfshirë në rast. Njësitet policore në vendin e ngjarjes kanë gjetur dhe konfiskuar një mjet të mprehtë-thikë, e cila dyshohet se është përdorur në rast. Me vendim të prokurorit i dyshuari pas intervistimit është dërguar në mbajtje”, thuhet në njoftim.