Njeriu që dyshohet se ka gisht në zhdukjen e Ervis Martinajt, Leonard Duka, është ekstraduar nga Belgjika në Shqipëri të premten, ka njoftuar Policia e Shtetit.
Leonardi, udhëheqësi i atij që njihet si klani “Duka”, u arrestua në shkurt të vitit 2023 teksa fshihej në një banesë private në një provincë të Brukselit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDuka ishte shpallur në kërkim ndërkombëtar nga Interpol Tirana, pasi Gjykata e Posaçme Kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprat penale “Vrasja me dashje”, kryer në formën e veçantë të bashkëpunimit, “Mbajtja pa leje dhe prodhimi i armëve, armëve shpërthyese dhe municionit”, “Sigurimi i kushteve për vrasje”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”, thuhet më tej në njoftimin e Policisë.
Së bashku me gjashtë persona të tjerë, ata akuzohen si autorët e dyshuar të ngjarjes së ndodhur në vitin 2019, në rrugën “Xhanfize Keko” në Tiranë, ku mbeti i vrarë me armë ish-polici Santiago Malko, i njohur si krahu i djathtë i bosit të lojërave të fatit, Ervis Martinaj.
Duka në bashkëpunim me persona të tjerë dyshohet se ka planifikuar edhe vrasjen e Ervis Martinajt – i cili është raportuar i zhdukur nga 9 gushti i vitit 2022. Duka gjithashtu dyshohet për organizimin e eliminimit të disa anëtarëve të grupit të Martinajt. /TCH
VIDEO: