Skuadra e Juventusit është shumë e interesuar që ta blejë kartonin e sulmuesit të Lillet, Edon Zhegrova.
Zhegrova është jashtë fushës që nga 14 dhjetori. Ai ka problem me muskujt aduktorë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor lëndimi i Zhegrovës nuk i pengon Juventusit që të insistojë në transferimin e tij.
Sajti “Tuttojuve” ka raportuar të hënën se trajneri i Juves, Igor Tudor, e sheh reprezentuesin e Kosovës si zëvendësues ideal të Francisco Conceiçaos, i cili do të largohet në verë.
22-vjeçari Conceiçao është i huazuar deri në përfundim të këtij edicioni te Juventusi nga Porto.
Drejtuesit e Juves kanë vendosur që të mos e blejnë kartonin e portugezit.
Para lëndimit, 26-vjeçari Zhegrova po kalonte formë shumë të mirë.
Në 21 ndeshjet e zhvilluara këtë edicion, Zhegrova ka kontribuar me tetë gola dhe dy asistime.
Për 26-vjeçarin janë interesuar edhe skuadra të tjera si Napoli, Barcelona, Borussia Dortmundi e Roma.
Për ta liruar ish-sulmuesin e Baselit, Lille po kërkon të paktën 25 milionë euro.