Ylli i futbollit, Cristiano Ronaldo, është pjesë e listës së lojtarëve të ftuar nga selektori i Portugalisë, Roberto Martinez, për ndeshjet e muajit qershor.
Martinez të martën e ka publikuar listën e gjerë prej 27 futbollistëve, ndërsa nuk mungon as sulmuesi i Al Nassr.
Portugalia më 4 qershor do të përballet me Gjermaninë në kuadër të gjysmëfinales së Ligës së Kombeve. Gjysmëfinalja tjetër e Ligës së Kombeve do të luhet më 5 maj ndërmjet Spanjës dhe Francës. Finalja do të luhet më 8 qershor.
Në listën e Martinezit ka pasur edhe risi. 51-vjeçari Martinez për herë të parë e ka ftuar sulmuesin 18-vjeçar, Rodrigo Mora.
Mora luan për skuadrën e Portos. Këtë edicion ka shkëlqyer duke i realizuar 11 gola në 37 ndeshje.
Nuk mungojnë edhe futbollistët me përvojë, si Ruben Dias, Bruno Fernandes, Nelson Semedo dhe Ruben Neves.
