Juventusi ka nisur të mendojë për edicionin e ardhshëm se me cilët futbollistë mund të përforcohet.
Dhe në radhët e veta synon ta ketë edhe Ardon Jasharin, mesfushorin që përfaqëson Zvicrën e që aktivizohet me plot sukses te Club Brugge në Belgjikë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKështu ka shkruar të shtunën mediumi italian “Tuttosport”.
Trajneri i skuadrës, Igor Tudor, synon që me Juventusin në edicionin aktual të përfundojë në vendin e katërt që dërgon në Ligën e Kampionëve në edicionin tjetër.
Gara për vendin e katërt në Serie A është shumë e fortë.
“Në mesin e lojtarëve që do të mund të përshtateshin mirë te Juventusi janë Ardon Jashari i Club Brugges dhe Johnny Cardoso i Real Betisit. Të dy kushtojnë afro 20 milionë euro”, ka shkruar mediumi i njohur italian.
22-vjeçari Jashari ka zhvilluar 49 ndeshje në edicionin aktual. Ka kontribuuar me katër gola e gjashtë asistime.
Për Jasharin interesim kanë shprehur edhe disa skuadra të njohura evropiane.