Vetëm njëra prej tetë ekipeve të mbetura në garë për Kupën FA, Manchester City, e ka fituar trofeun e rëndësishëm këtë shekull. Katër skuadrat e tjera, Bournemouthi, Brightoni, Crystal Palace dhe Fulhami, asnjëherë nuk e kanë fituar trofeun e Kupës FA.
Aston Villa dhe City janë prej skuadrave të mëdha që kanë mbetur në garë dhe rrjedhimisht janë favorite për të triumfuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAston Villa për herë të fundit e ka fituar trofeun e Kupës FA në vitin 1957.
Të shtunën nga ora 13:15 dhe 18:15 luhen çerekfinalet e para, Fulham – Crystal Palace dhe Brighton – Nottingham Forest.
Nottingham Foresti nuk do të mund të llogarisë në shërbimet e sulmuesit kryesor, Chris Wood. Futbollisti që përfaqëson Zelandën e Re, u lëndua në kualifikimet për Kupën e Botës këtë javë, në finalen ndaj Kaledonisë së Re. Me triumfin 3:0, Zelanda e Re e siguroi avancimin në Botëror dhe u bë përfaqësuesja e dytë pas Japonisë që e siguron biletën për në ngjarjen globale. Wood u zëvendësua në minutën e 53-të.
Të dielën në orën 14:30 dhe 17:30 janë në program duelet tjera çerekfinale të Kupës FA, Preston – Aston Villa dhe Bournemouth – Manchester City.
Këtë fundjavë nuk do të ketë ndeshje të Premier Leagues. Në elitën angleze kanë mbetur edhe nëntë xhiro.
Liverpooli është i pari me 70 pikë, ndërsa Arsenali i dyti me 58 pikë.